Pontevedra convoca a segunda edición do seu premio literario sobre diversidade
Por Alejandro Espiño
Ata o próximo 6 de novembro terán de prazo os autores e autoras que queiran presentar os seus traballos literarios á segunda edición do Premio Pinto e Maragota, convocado polo Concello de Pontevedra e a Editorial Xerais, en materia de diversidade sexual e de xénero.
A este concurso poderán concorrer persoas de calquera nacionalidade e maiores de idade, que presente unha obra escrita en lingua galega. Concederase un único premio de 3.000 euros.
O xénero literario das obras presentadas poderá ser novela, teatro ou poesía para o público infantil, xuvenil e adulto. Cada participante poderá presentar cantas obras queira en envíos separados, pero deberán ser traballos orixinais e inéditos.
O contido mínimo de caracteres para as novelas ou obras dramáticas será de 90.000 caracteres con espazos, mentres que a poesía conterá un mínimo de 500 versos de forma libre.
As persoas participantes enviarán os traballos en formato pdf por correo electrónico, co asunto 'Para o II Premio Literario PINTO E MARAGOTA”, ao enderezo igualdade@pontevedra.eu,
O xurado reunirase para decidir cal é a obra premiada antes do 30 de novembro.
A obra premiada será publicada por Edicións Xerais, que asinará coa autora ou autor un contrato de edición nas condicións habituais, sempre de acordo coa lexislación vixente sobre a propiedade intelectual.
A primeira convocatoria do Premio Pinto e Maragota tivo como gañadora á escritora María Reimóndez, coa súa obra Cobiza.
Relacionadas:
-
O II Premio Literario Pinto e Maragota pola Diversidade de Sexo e Xénero, para Carme P.G. Granxeiro
Por Redacción |
-
O dúo poético-musical Aldaolado actuará no vindeiro Vermú de Pinto e Maragota
Por Redacción |
-
"Cobiza" de María Reimóndez, Premio Pinto e Maragota, xa está nas librarías
Por Alejandro Espiño |
-
María Reimóndez gaña o premio literario Pinto e Maragota con "Cobiza", unha novela de ciencia ficción
Por Alejandro Espiño & Mónica Patxot |