O Museo 'presume' de edificios nos seus novos folletos informativos
Por Redacción
En galego, castelán, inglés e francés. En papel ou en formato electrónico a través de códigos QR. É o xeito no que se presentan os novos folletos informativos que vén de editar o Museo de Pontevedra sobre os seus edificios.
Este material divulgativo estase a estrear nas accións de promoción turística que a Deputación está a realizar en Valencia e Madrid, nas que se busca potenciar o Museo como destino de público interesado no turismo cultural.
Como novidade, deseñouse un folleto xenérico sobre a historia do Museo cunha breve explicación de todos os edificios que conforman a institución: Edificio Castelao, Sarmiento, Fernández López, Castro Monteagudo, García Flórez e Ruínas de San Domingos.
Leva información práctica sobre a súa situación, horarios de acceso e datos de contacto.
Outro dos novos folletos é o destinado aos Edificios Castelao e Sarmiento. Nel explícase que, xunto ás Ruínas de San Domingos, son os únicos inmobles actualmente nestes momentos e fálase da súa estrutura, das coleccións permanentes e das visitas guiadas.
Estes novos folletos veñen a completar a actualización e reedición que se fixera o pasado mes de agosto do tríptico sobre as Ruínas de San Domingos, o máis antigo e máis visitado dos edificios da institución, que achega datos sobre a antiga igrexa e convento dominico.
Relacionadas:
-
O xoves inauguran o rótulo co nome do edificio do Museo e a mostra 'Castelao en Europa. A viaxe de 1921'
Por Redacción |
-
García Lorca e a súa relación con Galicia centrarán a terceira edición da 'Semana Lorquiana'
Por Redacción |
-
"Tristeza absoluta" no Museo pola aparición de pintadas nun dos seus edificios
Por Alejandro Espiño |
-
O mellor setembro da última década no Museo de Pontevedra, con picos de 1.300 visitas diarias
Por Redacción |