O mellor setembro da última década no Museo de Pontevedra, con picos de 1.300 visitas diarias
Por Redacción
Os principais edificios do Museo de Pontevedra recibiron durante o mes de setembro máis de 20.000 visitantes, con días ‘pico’ de arredor de 1.300 visitas nunha soa xornada. As cifras supoñen un auténtico 'fito' na institución cultural, pois é a mellor cifra dos meses de setembro da última década.
As 20.162 visitas recibidas son unha cifra sensiblemente inferior ao mes de agosto, pero excepcional para o mes de remate do verán. O vicepresidente da Deputación e responsable do Museo, César Mosquera, manifestou a satisfacción da institución por esta resposta do público a pesar das dúbidas iniciais sobre como ía respostar a xente na visita a espazos pechados tras os momentos máis graves da pandemia.
Os datos deste verán en conxunto superan con creces as cifras anteriores á covid-19. Xa xullo fora o mellor en visitas dos últimos cinco anos, con 22.591 persoas, mentres que o mes de agosto chegou ás 41.869, superando en máis de 2.500 a cifra máxima acadada no mesmo mes de 2011.
Durante o mes de setembro, a meirande parte dos visitantes foron galegas e galegos, se ben tamén houbo unha grande afluencia de Madrid, Andalucía, Cataluña, País Vasco, Castela e León e a Comunidade Valenciana.
Do estranxeiro principalmente houbo chegadas de Portugal, seguido de Francia, Estados Unidos, Alemaña, Italia, Países Baixos, Reino Unido, Bélxica, ou Arxentina incluíndo tamén orixes menos habituais coma Xapón, Exipto, El Salvador, Corea do Sur, Canadá, Australia ou Sudáfrica,
Relacionadas:
-
3.000 citas foron xestionadas entre 160 empresas de Madrid e Valencia para promover as Rías Baixas
Por Redacción |
-
O Museo 'presume' de edificios nos seus novos folletos informativos
Por Redacción |
-
O PP lamenta o tempo perdido na rehabilitación dos edificios centrais do Museo
Por Redacción |
-
Cedofeita presenta 'Historia de Lérez', un libro colectivo que analiza a traxectoria da parroquia
Por Redacción |
-
A Deputación bota a andar a Colección Medal da man da poeta Lucía Novas
Por Redacción |
-
Xa se pode percorrer a historia da gaita da man dos debuxos de César Lombera
Por Redacción |
-
O Museo celebra o Día Europeo da arte Rupestre con charlas e obradoiros temáticos
Por Redacción |
-
O Museo convida á cativada a participar nunha grande montaxe fotográfica sobre "os fogares en tempos de covid"
Por Redacción |
-
Castelao dará nome ao Sexto Edificio do Museo de Pontevedra
Por Alejandro Espiño & Mónica Patxot |