A Illa de Arousa, inicio da nova xira de Carlos Blanco e Touriñán, que pasarán por Pontevedra e Vilagarcía
Por Redacción
Carlos Blanco e Xosé Antonio Touriñán regresan aos escenarios. Tras o éxito do seu espectáculo conxunto, titulado Somos Criminais, os dous artistas volven a repetir experiencia. Será con Somos Criminais 3, porque aseguran que "segundas partes nunca foron boas".
A estrea terá lugar o próximo 4 de decembro na Illa de Arousa, pero a xira de este espectáculo pasará posteriormente por outras dez localidades galegas, entre elas Pontevedra (22 e 23 de xaneiro), Vilagarcía de Arousa (4 e 5 de febreiro), Vigo e Cangas.
En Somos Criminais 3, ambos cómicos analizan Galicia e os seus habitantes para saber como somos e para saber por que somos como somos.
Somos criminais no sentido menos criminal da palabra? Temos unha maneira propia de ser e de estar? Somos diferentes, somos parecidos ou somos iguais aos demais? Son certos os tópicos sobre nós? Son algunhas das preguntas ás que os dous cómicos tentarán dar resposta.
A venda de entradas xa estarán dispoñibles no web de Somos Criminais a partir deste xoves.
Relacionadas:
-
Carlos Blanco e Touriñán están de volta… e media!
Por Cristina Saiz & Oskar Viéitez |
-
Carlos Blanco e Touriñán chegan a Pontevedra con 'Somos Criminais 3'
Por Redacción |
-
Carlos Blanco, Touriñán, David Amor e Lucía Veiga traen o seu bo humor a Pontevedra
Por Redacción |
-
O humorista Carlos Blanco ofrécese a actuar en Hospitais e Residencias de Galicia en agradecemento ao persoal sanitario e coidadores
Por Redacción |