Queco Lago edita "Clímax", o segundo single do seu primeiro EP profesional
Por Alejandro Espiño
O artista pontevedrés Queco Lago está de estrea este venres. Foi o día elixido para o lanzamento de "Clímax", o seu segundo single oficial, un tema que formará parte do seu primeiro EP profesional, que levará o nome de "Perspectiva".
Despois de "Mírame", o seu primeiro sinxelo, que ía acompañado dun videoclip dirixido polo tamén pontevedrés Carlos Calvar, "Clímax" conta, de maneira delicada e poética, o primeiro encontro sentimental con alguén de quen se está namorado.
Cada unha das cancións que conformarán este EP, segundo relata o propio artista, conta coa súa propia cor principal. Así, se o de "Mírame" era o azul, o novo tema terá o amarelo como protagonista.
Todas as portadas están deseñadas pola artista Gabriela Mauricio e protagonizadas por Sara Docampo.
Queco Lago, quen ademais organiza o micro aberto mensual para músicos Black Hole en Pontevedra, leva anos tocando en solitario, compartindo cartel con artistas da talla de Baiuca, Eladio y los Seres Queridos, Ángel Stanich ou Pablo Lesuit.
Durante a pandemia formou unha banda formada por Rodrigo Valiente (baixo), Julio Esteban (batería) e José Lázaro (guitarra eléctrica).
Xunto a eles estreará "Clímax", "Mírame" e o resto do seu repertorio nun concerto que se celebrará o próximo 8 de abril na Sala Karma.
Relacionadas:
-
O Black Hole, o altofalante da música pontevedresa
Por Álvaro Arosa Barco |
-
Queco Lago: "Estaba cansado de facer as cousas a medias. A música é o que me gusta e o que quería facer"
Por Alejandro Espiño & Mónica Patxot |
-
"Mírame" de Queco Lago, nominado ao mellor videoclip no Festival de Cans
Por Redacción |
-
O novo traballo musical de Queco Lago preséntase en directo na Sala Karma
Por Alejandro Espiño |
-
Tres meses de concertos para celebrar os "16 menos 1" anos da Sala Karma
Por Alejandro Espiño |
-
RADIO.- 'A playlist' de Queco Lago e as versións máis persoais de si mesmo
Por Cristina Saiz & Marisa Ciordia |