Concerto de María do Ceo este sábado no Campo da Festa de Borela
Por Redacción
O alcalde de Cerdedo-Cotobade, Jorge Cubela, o concelleiro Bruno Portela e Silvia Piñeiro, membro da Comisión de Festas de Borela, presentaron o concerto da cantante portuguesa María do Ceo que terá lugar este sábado ás 22 horas no Campo da Festa de Borela dentro do programa Cerdedo-Cotobade en Sons. O concerto é aberto ao público en xeral e o acceso é totalmente gratuíto.
A Comisión de Festas de Borela aproveitará a celebración deste concertó para organizar ás 21 horas unha cea popular a base de mexillóns e chourizos ao viño con cachelos a un prezo de 7 euros por persoa.
María do Ceo é unha artista portuguesa consagrada que leva moitos anos afincada en Galicia e é un dos nomes máis coñecidos dentro da música tradicional lusa e, concretamente, do fado.
Segundo manifestou o alcalde Jorge Cubela "será unha oportunidade única para irmandar mediante a música e a canción a dous pobos tan parecidos e ao mesmo tempo singulares como son Galicia e Portugal a través da voz e da arte dunha cantante portuguesa, como é María do Ceo, que ten as súas raíces no país veciño, pero que desde ben pequena viviu e criouse na nosa terra".
"Ademais, María do Ceo ten un xeito moi especial de cantar que fai que transmita un forte sentimento do que disfrutaremos todos os que nos acheguemos ata Borela para vela cantar", engadiu.
Relacionadas:
-
O campo da festa de Borela xa está listo para volver bailar despois da renovación do firme
Por Redacción |
-
Carlos Núñez regresa a Cerdedo-Cotobade na súa procura de "lugares máxicos"
Por Redacción |
-
O folk galego de Luar na Lubre enche o adro da festa de Santa María de Sacos
Por Redacción |
-
Cerdedo celebrará as súas festas do Divino Ecce-Homo e da Virxe das Dores do 28 ao 30 de xullo
Por Redacción |
-
Xoves de verbena en Tenorio na honra de San Pedro
Por Redacción |
-
Os Trazantes de Tenorio, os mellor vestidos
Por Redacción |
-
Publicadas as bases que regularán a adxudicación das vivendas sociais de Carballedo
Por Redacción |