Pablo Patiño, a "flor" do jazz pontevedrés
Por Redacción & Mónica Patxot
A vixésimo novena edición do Festival Internacional de Jazz de Pontevedra achégase ao seu final coa celebración da cuarta das cinco actuacións programadas para este mes de agosto na Praza da Ferrería.
O encargado de deleitar ao numeroso e fiel público pontevedrés foi o músico local Pablo Patiño Moledo. Con só 20 anos, "Flor", o seu nome artístico, tomou a remuda de grandes voces que se subiron ao escenario da Ferrería nos últimos días como Giselle Jackson, Acantha Lang ou Vanessa Collier.
Patiño compaxina a súa carreira como pintor coa súa vocación como contrabaixista e compositor. Formouse musicalmente en conservatorios de Galicia e Portugal e colaborou con músicos da talla de Bill McHenry, Gonçalo Marques, Dayna Stephens, Wilfred Wilde, Kyle Poole, Victor Prieto, Raynald Colom, Ricardo Toscano, César Latorre ou Natalio Sued.
A música de Flor baséase nun concepto claro de improvisación onde a creación compaxínase con potentes composicións.
A súa banda está formada polo saxo tenor Diego Alonso, a cargo do vibráfono está Alfonso Traficante e aos mandos da batería Esteban Lavigne, mentres que o propio Patiño encargouse do contrabaixo.
O festival concluirá o venres cunha nova actuación gratuíta ás 22.30 horas a cargo do grupo pontevedrés Mr. River Night Court.
Relacionadas:
-
O 70% dos músicos de jazz en Galicia veñen da man do Seminario Permanente de Pontevedra
Por Oskar Viéitez |
-
O festival de jazz baixa o pano coa actuación da banda pontevedresa Mr. River Night Court
Por Redacción & Mónica Patxot |
-
Vanessa Collier impresiona na terceira velada de jazz da Ferrería
Por Redacción & Mónica Patxot |
-
RADIO.- O jazz rock fusión de Mr River despedirá esta edición do Festival Internacional de Jazz e Blues
Por Marisa Ciordia |
-
Acantha Lang impregna soul, blues e elegancia na segunda noite de jazz
Por Mónica Patxot & Anxo Lourido |