Unhas 1.500 persoas incribíronse xa para participar na carreira de San Silvestre
O goteo de rexistrados para a carreira de San Silvestre está a ser constante. Iso si, como é tradicional, parece que moitos dos participantes deixarano para última hora.
Preto de 1.500 persoas anotáronse xa para despedir o ano correndo polas rúas de Pontevedra, trescentas das cales formalizaron a súa inscrición esta mesma mañá.
"Os últimos días van ser tremendos, porque a xente déixao todo para última hora", sinalan desde a organización da carreira, que cambiou o lugar de entrega de dorsais.
Durante os próximos días poderán retirarse nun local comercial da rúa Castelao.
Os rexistrados están a preguntar ademais que produtos de primeira necesidade fan falta para doar aos colectivos en risco de exclusión social, a vertente solidaria desta carreira.
A este respecto, os organizadores destacan que "é un paquete por persoa, pero a xente é xenerosa e trae máis".
Nestes momentos, as principais demandas serían botes de legumes fervidos, potitos para bebés e cueiros.
Relacionadas:
-
GALERÍA DE FOTOS.- Saída da San Silvestre 2023
Por Redacción |
-
5.412 personas participan na San Silvestre 2023, a carreira máis divertida e solidaria
Por Anxo Lourido & Ramiro Espiño |
-
Anímase o ritmo de recollida de dorsais para participar na San Silvestre 2023
Por Mónica Patxot & Anxo Lourido |
-
Restricións de tráfico durante o domingo 31 con motivo da San Silvestre
Por Anxo Lourido & Cristina Saiz |
-
Tere Abelleira dará a saída á San Silvestre 2023 de Pontevedra
Por Alejandro Espiño |
-
A San Silvestre 2023 reparte os seus primeiros dorsais
Por Diego Espiño |