Homenaxe a Tono Campos no Grove bautizando co seu nome o pavillón de deportes náuticos
Por Diego Espiño
Poucos deportistas poden presumir dun palmarés como o de Tono Campos.
O piragüista acumula ata 41 medallas internacionais na especialidade de maratón, incluíndo dez títulos mundiais e oito europeos. Todo iso defendendo con orgullo as cores do Breogán do Grove e adestrando a diario na localidade meca.
É por iso que o Concello do Grove decidiu brindarlle un merecido tributo, bautizando co seu nome o pavillón de deportes náuticos da localidade ao que acode cada día.
Ademais de deportistas, veciños e autoridades locais, á homenaxe acudiu o Xefe Superior de Galicia da Policía Nacional e tamén o comisario provincial, e é que Tono Campos suma á súa faceta de deportista de alto nivel o seu traballo de Policía na comisaría provincial de Pontevedra.