![](/web/cache/scene/uploads/fotos/foto/2ac/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/664a636ee6-20240519-saiz-pasaron-partido-pontevedra-cf-deportivo-aragon-110.jpg)
© Cristina Saiz
As entradas para a final polo ascenso en Pasarón, á venda
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
As entradas para a final polo ascenso a Primeira RFEF están xa á venda.
O Pontevedra Club de Fútbol confirmou o prezo das entradas e a promoción que estará dispoñible para os seus abonados de cara ao choque de volta á decisiva eliminatoria contra o Betis Deportivo.
O choque definitivo xogarase o domingo día 2 de xuño ás 18.00 horas no Estadio Municipal de Pasarón, co obxectivo na casa granate de achegarse a un cheo nas bancadas que que converta o coliseo pontevedrés nunha caldeira que axude o equipo.
O prezo das localidades mantense sen cambios, con entradas para adultos a 10 euros nos fondos, 15 euros en Preferencia e 20 euros en Tribuna. Os afeccionados de categoría xuvenil (7 a 17 anos) pagarán pola súa banda 8 euros en fondos e Preferencia e 15 euros en Tribuna e os menores desa idade terán o acceso gratuíto.
A isto súmase a posibilidade de que os abonados do Pontevedra retiren unha localidade a metade de prezo para a súa mesma bancada, en lugar das dúas das últimas ocasións, promoción que estará dispoñible en venda anticipada nas oficinas do club así como na plataforma de venda en liña.
ENTRADAS | Xa podes comprar as túas entradas para a volta do Play Off en Pasarón ante o Betis Deportivo‼️
— Pontevedra CF (@PontevedraCFSAD) May 22, 2024
Domingo 02/06
18:00
Abonados poden adquirir unha entrada a metade de prezo para a mesma bancada e categoría que o abonado (en oficinas ou online) pic.twitter.com/RBwzftlh6o
Relacionadas:
-
Haberá 'Marea Granate' no Benito Villamarín
Por Diego Espiño |
-
Dous partidos de sanción a Yago Iglesias, que non poderá dirixir o Pontevedra na eliminatoria polo ascenso
Por Diego Espiño |
-
Anuncian a instalación dunha pantalla xigante para seguir o Betis Deportivo-Pontevedra
Por Diego Espiño | Creada e actualizada