![](/web/cache/scene/uploads/fotos/foto/77d/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/65a5297743-20240114-saiz-cgtd-badminton-xornada-division-ravachol-oviedo-008.jpg)
© Cristina Saiz
O Bádminton Ravachol comeza a planificar a súa quinta tempada consecutiva en División de Honra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Tras o éxito que supuxo a primeira participación da súa historia no play-off polo título de liga, o Club Bádminton Ravachol Pontevedra empezouse a mover pensando no próximo curso.
Fíxoo co obxectivo de manter o bloque que tan bos resultados lle deu, empezando pola renovación do capitán Gabriel Fernández, primeira confirmada no plantel.
"Volverá ser peza fundamental do equipo e seguirá a regalar grandes momentos como os vividos a tempada pasada. Moita parte do histórico terceiro posto debémosllo a el", recoñece o director deportivo do Ravachol, Jesús Pereiro.
Outra peza preto de asegurarse é a da mellor xogadora da liga 23/24, Georgina Bland, "coa que practicamente confirmamos a súa continuidade".
"A nosa idea é renovar á práctica totalidade do equipo que conseguiu o bronce a tempada anterior, e a prioridade está a ser traballar nesas renovacións, pero non descartamos algunha nova incorporación que nos complemente nalgún dos puntos débiles do equipo", explica o responsable técnico do equipo pontevedrés.
Por último en canto aos obxectivos da entidade Jesús Pereiro defendeu que "temos un gran equipo e vimos de realizar un enorme resultado, pero hai que manter os pés no chan, estamos moi lonxe dos grandes presupostos da liga e o noso obxectivo volverá ser a permanencia. Se as cousas volven saír ben, haberá tempo para reformular obxectivos e volver soñar".
Relacionadas:
-
Quinta tempada consecutiva de Georgina Bland co Bádminton Ravachol
Por Redacción |
-
Dobre ouro do Bádminton Ravachol no Máster de Cartaxena
Por Redacción |
-
Georgina Bland, elixida mellor xogadora da tempada na División de Honra de Bádminton
Por Diego Espiño |
-
O Bádminton Ravachol cae con honra en Sevilla nas semifinais polo título de liga
Por Diego Espiño |