Real Madrid, Barcelona, Inter de Milán, Porto, Benfica e Juventus, cartel de luxo no Arousa F7
Por Redacción
A fase final do XIX Torneo Internacional Arousa Fútbol 7 Alevín volverá contar un cartel de luxo entre os días 13 e 15 de xuño.
A Lomba será de novo o escenario elixido para seguir as evolucións dos 20 equipos en competición, catro procedentes da fase previa (Racing de Ferrol, Areosa, Luis Calvo Sanz e Lanzarote) e 16 deles que acceden por convite.
Entre a lista de participantes encóntranse algunhas das mellores escolas deportivas do fútbol mundial, como as da Barcelona, Real Madrid, Inter de Milán, Porto, Benfica e Juventus, este último debutante no torneo.
Ademais nesta ocasión tomarán parte na competición o União Río de Brasil, o Dallas de Estados Unidos, Atlético de Madrid, Valencia, Málaga, Genk, Mallorca e outros tres clubs galegos como o Celta, Deportivo e Lugo.
O Pazo de Rubiáns acolleu este martes a presentación oficial do torneo coa presenza de varios futbolistas do primeiro equipo do Celta de Vigo.