O Atlético Granadilla destitúe o seu corpo técnico antes de viaxar a Pontevedra
Por Diego Espiño
Sorprendente decisión a tomada este xoves polo Atlético Granadilla, rival do Pontevedra na semifinal polo ascenso a Segunda B, a poucos días de visitar o Estadio Municipal de Pasarón (domingo 20:00 horas).
O club canario, a través da rede social Twitter, anunciou a destitución de Toni Ayala como responsable deportivo do equipo e do seu segundo adestrador, Monsi Brito, despois dunha reunión de urxencia da directiva.
Tras una reunión de urgencia el club decide prescindir de nuestros entrenadores @GarciaToniayala y @MonsiBrito , Mucha Suerte en el futuro
Atl.Granadilla (@AtlG3Division) Mayo 29, 2014
Dende Tenerife apúntase ás difíciles relacións entre o corpo técnico e parte do plantel como posible detonante da drástica medida a pesar da notable tempada realizada, na que o equipo finalizou no primeiro posto do seu grupo de Terceira División.
O substituto ata final de tempada, e polo tanto o técnico que dirixirá ao Granadilla en Pontevedra, será Alfonso Donate, segundo confirmou a entidade tinerfeña.