Iago Gómez, porteiro recén chegado ao Teucro: "Veño coa ilusión de pelexar para ter minutos"
Por Diego Espiño
A portaría da Sociedad Deportiva Teucro xa ten un inquilino para a próxima tempada. Trátase de Iago Gómez, gardameta procedente do Calvo Xiria de Carballo e que foi presentado este xoves de xeito oficial no Pavillón Municipal dos Deportes.
Iago asina por unha tempada co club azul e aínda que sabe que aínda está por chegar outro porteiro, tras a saída de Juan Bar e a rescisión de Cadilla, asegura chegar a Pontevedra "para pelexar por ter minutos".
Iago Gómez: "Levaba un par de anos querendo xogar nesta categoría"
Despois de seis tempadas na Primeira Nacional Iago Gómez asegurou que "levaba un par de anos querendo xogar nesta categoría".
O gardameta cre ademais que "hai equipo para estar arriba" e cualificou como moi importante na súa decisión de fichar polo Teucro a presenza de dous paisanos seus, Carlos García e David García Pichel: "somos os tres de Carballo, somos amigos e claro que axudou".
Aínda que faltan por chegar polo menos outro porteiro e un pivote e a intención de Quique Domínguez é pechar o plantel canto antes, o presidente azul, Carlos García-Alén, asegurou que non se esperan movementos ao respecto nos próximos días.
Relacionadas:
-
O Bidasoa, primeiro rival da SD Teucro na tempada 2014-2015
Por Alejandro Espiño |
-
Gonzalo Carró, pivote escollido pola SD Teucro para cubrir a baixa de Tomás Moreira
Por Redacción |
-
Ricardo Amerigo, reforzo de Asobal para a portaría do Teucro
Por Diego Espiño |
-
Edu Moledo, presentado como novo xogador do Teucro: "Espero pelear por llegar a la fase de ascenso"
Por Diego Espiño |
-
Eduardo Moledo e Santiago Gómez, reforzos para o extremo e a portaría do Teucro
Por Redacción |