Confirmados os primeiros compromisos de pretempada para o Poio FS
Por Redacción
Rematada a primeira semana de adestramentos, o Poio Futbol Sala empeza a fixar os encontros de pretempada co obxectivo de preparar a súa segunda tempada na máxima categoría nacional.
As vermellas confirmaron dous encontros ante rivais de Primeira División, como son o potente Burela FS e o Cidade das Burgas.
Ademais o equipo adestrado por Gonzalo Iglesias coñece xa os seus rivais na primeira fase da Copa Xunta, a falta de fixar os días concretos para os encontros.
Ademais do Poio FS, compoñen o grupo o Leis Pontevedra e o Ponte Ourense. Os partidos deben disputarse obrigatoriamente antes do inicio da Primeira Divisón Femenina e só o primeiro clasificado avanzará de rolda.