A Gimnástica, terceira do seu grupo na primeira xornada de División de Honra
Por Redacción
O obxectivo era loitar pola segunda praza de grupo no primeiro encontro da tempada na División de Honra de Atletismo, pero non puido ser.
A Sociedad Gimnástica arrancou a súa novena tempada na máxima categoría do atletismo nacional masculino cunha terceira praza no encontro disputado no Estadio de Atletismo de Balaídos, en Vigo.
O AD Marathon madrileño cumpriu cos prognósticos e impúxose con claridade con 232 puntos, mentres a Real Sociedad foi máis regular que os pontevedreses conseguindo a segunda praza (196).
A Gimnástica foi terceira (166 puntos) e o Celta de Vigo pechou a clasificación (88).
A nivel individual destacaron os triunfos parciais de Lysvanys Pérez en altura, Víctor Gallego en peso, Julián Ortiz en 110 valos, Igancio Sarmiento en 400 valos e Alberto Salcedo en 200 metros.
Na clasificación xeral da División de Honra, sumando os resultados dos catro grupos, a Gimnástica está situada na décima praza.
A segunda xornada, que decidirá os clubs que pelexan polo título ou pola permanencia, disputarase o próximo 24 de maio.
Relacionadas:
-
A permanencia da Gimnástica na División de Honra de atletismo pasa por Burgos
Por Redacción |
-
A Gimnástica, abocada a loitar pola permanencia na última xornada da División de Honra
Por Redacción |
-
Castellón acollerá a segunda xornada de División de Honra de atletismo para a Gimnástica
Por Redacción |
-
A Gimnástica afronta con ilusión o arranque en Vigo da súa novena tempada en División de Honra
Por Diego Espiño |