García Pichel renova co Teucro e César Armán confírmase como primeira baixa
Por Redacción
Con máis calma da inicialmente prevista pero a Sociedade Deportiva Teucro avanza na confección do equipo que competirá a próxima tempada na máxima categoría do balonmán nacional.
Despois de anunciar a súa primeira fichaxe, a do central vasco Erik Balenciaga, o club azul confirmou a primeira renovación, a David García Pichel.
O lateral carballés, que chegou ao Teucro en verán de 2013, continuará defendendo a elástica azul durante unha tempada máis no que será o seu terceiro ano no club, intentando manterse como unha das referencias ofensivas para Quique Dmínguez.
Pichel únese así a Balenciaga e aos dous xogadores que teñen contrato en vigor, Dani Hernández e Gonzalo Carró.
Por outra parte o Teucro anunciou tamén a baixa de César Armán, do que asegura "non puido demostrar todo o seu potencial por culpa das continuas lesións" e ao que agradece o seu traballo durante a súa estanza na entidade pontevedresa.
Relacionadas:
-
O Teucro confirma o regreso de José Manuel Rial
Por Diego Espiño |
-
Nova renovación na SD Teucro: Iván Fernández seguirá dous anos máis no equipo
Por Redacción |
-
Edu Moledo, dúas tempadas máis no Teucro
Por Redacción |
-
Acordo para a renovación de Ricardo Amérigo e adeus a Marcos Dorado
Por Redacción |
-
Víctor Rodríguez, do Teucro á selección española de balonmán praia
Por Redacción |
-
Arxentina espera a incorporación do teucrista Gonzalo Carró en plena preparación do Mundial Júnior
Por Redacción |
-
Baixada de prezos no retorno do Teucro a Asobal: "Sobes?"
Por Diego Espiño |
-
Erik Balenciaga, primeira fichaxe da SD Teucro para afrontar o seu regreso a Asobal
Por Redacción |