Axustado triunfo do Arxil ante o Cortegada (59-56) nun partido de alternativas
Por Redacción
Con bo pé comezou a tempada o Club Baloncesto Arxil, que se impuxo ao Cortegada de Vilagarcía no derbi provincial que inauguraba o curso na Liga Feminina 2.
O conxunto verde levou un partido cheo de alternativas dominado polas defensas e cunha figura, a pontevedresa Carla Fernández, que botou o equipo ás súas costas para, con 17 puntos, terminar como a máxima anotadora da tarde.
O Cortegada comezou entoado o partido, con bo rendemento en ataque e dificultando ao Arxil coa súa defensa, o que lle deu vantaxe ao final do primeiro cuarto (13-19).
As de Mayte Méndez reaccionaron no segundo parcial e tras deixar os nervios atrás e axustar a defensa, foron capaces de chegar con vantaxe ao descanso (29-28).
A historia repetiuse á volta de vestiarios, e é que no terceiro cuarto volveron tomar vantaxe as de Vilagarcía (31-34), pero as locais mantiveron a cabeza fría e mostráronse máis precisas nos minutos decisivos para levar o triunfo.
Consulta aquí as estatísticas completas do encontro.
Relacionadas:
-
Arxil resolve ante BF Aragón (70-51) nun gran primeiro cuarto
Por Redacción |
-
O Arxil quere despexar as súas dúbidas ante o Baloncesto Femenino Aragón
Por Diego Espiño |
-
Un desastroso primeiro cuarto condena o Arxil en León (65-44)
Por Redacción |
-
O Arxil, centrado no debut ligueiro contra o Cortegada
Por Redacción |