O Peixe Galego acariña o ascenso tras dobregar un combativo Valladolid (90-83)
Por Redacción
Coa punta dos dedos acariña o ascenso o Peixe Galego tras o seu sufrido triunfo na Raña ante o Ciudad de Valladolid (90-83).
Os de Marín sobrepuxéronse á importante ausencia do seu máximo anotador, Gabe Rogers, ademais da de Gregorio Adón, e tiraron de caste e ilusión para sacar adiante un partido moi complicado e aproveitar o tropezo do que era o seu principal perseguidor, o Araberri, que perdeu na casa ante o Olivas Fragatas Morón.
A falta de catro xornadas para o final da liga regular, o Peixe ten xa tres triunfos de vantaxe sobre os seus rivais.
Saltaron á pista os pupilos de Javi Llorente sabendo o resultado de Araberri e decididos a marcar terreo desde o inicio. Lográrono nun primeiro cuarto no que brillaron defensivamente para marchar 12 puntos arriba (25-13), pero os valisoletanos melloraron no segundo parcial e o choque igualouse.
A pesar de que o Peixe Galego mantiña unha renda próxima aos dez puntos, o partido complicábase por momentos, cun Ciudad Valladolid que non arroxou a toalla e púxose a cinco puntos mediado o último cuarto (78-73).
Con todo, a cada intento de reacción respondeu o cadro marinense da man principalmente de Green e Antonio Pantín, que botaron ao equipo ás costas con 25 e 24 puntos respectivamente e non deron pé á sorpresa.
Un paso de xigante que deixa o soño do ascenso a un paso. As contas son claras, basta con gañar os dous partidos que lle restan ao Peixe Galego na Raña para ser novo equipo de LEB Ouro.
Consulta aquí as estatísticas do partido.
Relacionadas:
-
Marín Peixe Galego vence na prórroga en Granada (81-86) e queda a un triunfo do ascenso a LEB Ouro
Por Redacción |
-
Rogers non chega a tempo para viaxar a Granada
Por Redacción |
-
O estado de Gabe Rogers, preocupación do Peixe Galego ante a visita do Ciudad de Valladolid
Por Redacción |
-
Unha canastra de Carlos Noguerol, a falta de 9 segundos, decide o derbi entre Xuven e Marín Peixe Galego (73-74)
Por Redacción |