Derbi galego entre Arxil e Ensino para abrir a tempada na Liga Feminina 2
Por Redacción
O Club Baloncesto Arxil xa coñece o camiño que lle espera nunha nova tempada na Liga Feminina 2, na que competirá no Grupo A xunto a equipos galegos, asturianos, castelán-leoneses, vascos e cataláns.
O cadro pontevedrés iniciará a competición o sábado 1 de outubro na casa, no Centro Galego de Tecnificación Deportiva, cun derbi autonómico ante o Durán Maquinaria Ensino lugués.
Tras ese encontro as verdes deberán xogar dúas semanas seguidas a domicilio, ante o ADBA Avilés na segunda xornada e o Juventut Les Corts barcelonés na terceira.
Ademais de empezar na casa, as pupilas de Mayte Méndez tamén pecharán a liga regular como local, recibindo o 8 de abril ao Universidade de Oviedo (consulta aquí o calendario completo da Liga Feminina 2).
Desvelado o calendario, o Arxil traballa agora na planficicación do plantel e da pretempada, que ten previsto iniciar a última semana de agosto e na que, polo menos, pretende xogar partidos amistosos ante rivais da súa categoría como o propio Ensino, Celta e Cortegada.
Relacionadas:
-
O Arxil deixa atrás as vacacións e comeza a preparar unha ilusionante tempada
Por Diego Torrado & Redacción |
-
Minata Keita regresa a un Arxil que apunta alto
Por Redacción |
-
O Cortegada crúzase no camiño do Arxil na Copa Galicia
Por Redacción |
-
Mayte Méndez e Milagros Sanmartín, historia viva da Liga Feminina 2
Por Redacción |
-
Cristina Díaz-Pache seguirá un ano máis no Arxil
Por Redacción |
-
Yanique Gordon non seguirá no Arxil
Por Redacción |
-
Equipos cataláns, leoneses, asturianos e vascos, rivais do Arxil na Liga Feminina 2
Por Redacción |
-
Arxil e Peixe Galego cumpren o trámite e inscríbense en LF2 e LEB Ouro
Por Redacción |
-
O Arxil ficha á base venezolana Waleska Pérez
Por Diego Espiño |