Arxil e Peixe Galego cumpren o trámite e inscríbense en LF2 e LEB Ouro
Por Redacción
Acabou a incerteza, sobre todo no caso do Peixe Galego. A falta de que a Federación Española de Baloncesto analice a documentación presentada e vexa que cumpren todos os requisitos esixidos, tanto o club marinense como o Arxil de Liga Feminina 2 competirán na categoría que lles corresponde por dereitos deportivos.
Nas últimas horas ambos os clubs confirmaron a entrega da documentación necesaria á FEB para formalizar a súa inscrición, incluíndo o aval e o custo da praza, requisitos indispensables.
Desta forma o Peixe Galego cumpre o seu primeiro obxectivo, asegurar a súa presenza na segunda categoría do baloncesto nacional, a LEB Ouro, e céntrase xa en avanzar na composición dun plantel que só ten dúas pezas confirmadas, a do adestrador Javi Llorente e o base Manu Ferreiro.
Pola súa banda o Arxil competirá un ano máis na Liga Feminina 2, a antesala da elite, coa esperanza de poder repetir o éxito de hai dúas tempadas e pelexar polo play-off de ascenso á máxima categoría.
No seu caso, coa composición do equipo encamiñada, só a incerteza económica frea polo momento as últimas fichaxes, xa apalabradas, pero á espera de que frutifiquen as negociacións que a directiva pontevedresa mantén con varias empresas para asegurar o seu orzamento.
Relacionadas:
-
Derbi galego entre Arxil e Ensino para abrir a tempada na Liga Feminina 2
Por Redacción |
-
Yanique Gordon non seguirá no Arxil
Por Redacción |
-
Equipos cataláns, leoneses, asturianos e vascos, rivais do Arxil na Liga Feminina 2
Por Redacción |
-
O Peixe Galego será "belixerante" ante a decisión de ampliar a 18 equipos a LEB Ouro
Por Diego Espiño |
-
O ala-pívot Javier Múgica, reforzo contrastado para o Peixe Galego
Por Redacción |
-
José Siméon, galóns para a dirección de xogo do Peixe Galego
Por Redacción |
-
Axuda municipal para o reto de 'Ouro' do Peixe Galego
Por Redacción |
-
Manu Ferreiro, primeira renovación 'peixe' para o seu debut en LEB Ouro
Por Redacción |
-
O Arxil asegura a columna vertebral do equipo coa renovación de María Centeno
Por Redacción |
-
O Arxil ficha á base venezolana Waleska Pérez
Por Diego Espiño |
-
O Peixe Galego confirma que será de LEB Ouro ao reunir o aval e pagar a inscrición
Por Redacción |