Fuenlabrada, un rival de nivel para buscar o primeiro triunfo do curso
Por Diego Espiño
O Pontevedra Club de Fútbol puxo rumbo á comunidade madrileña a media mañá deste venres coa esperanza de lograr un triunfo que despexe as dúbidas xeradas no inicio de tempada.
Non será tarefa sinxela, xa que os granates visitan este sábado (17:30 horas, Estadio Fernando Torres) a un equipo que apostou forte para tentar lograr o ascenso de categoría, o Fuenlabrada.
O club madrileño suma 7 puntos neste arranque de competición, no que curiosamente non logrou vencer aínda no seu estadio cunha derrota ante o Fabril e un empate ante o Navalcarnero, pero a experiencia e calidade do seu plantel ameazan a un club pontevedrés que busca reaccionar.
Xogadores da talla de Dioni, pichichi do grupo o pasado ano co Racing de Santander, Rubén Sanz ou Hugo Fraile conforman un equipo na que tamén destacan veterano con pasado en Primeira División como o Cata Díaz ou o gardameta Codina.
A expedición do Pontevedra, formada por 18 futbolistas, realizou á primeira hora do venres o seu último adestramento en Pasarón antes de poñer rumbo a Madrid por estrada. Luisito conta coa baixa de Prosi por sanción, tras a súa expulsión do pasado domingo ante o Toledo, e ademais deixou fóra da lista por decisión técnica a David Castro, Álex Fernández e Lezcano.
Desta forma a convocatoria compóñena: Edu, Anxo, Miguel Ángel, David Goldar, Bruno, Jimmy, Álex González, Adrián León, Jorge Hernández, Añón, Víctor Mongil, Berrocal, Marcos Álvarez, Carlos Ramos, Iván Martín, Mouriño, Kevin Presa e Etxániz.
O colexiado do encontro será o andaluz Raúl Chavet García.
Relacionadas:
-
O Pontevedra estrea camiseta e patrocinador
Por Ramiro Espiño |
-
Desaparece o Pontevedra na segunda parte e os seus fallos defensivos facilitan a vitoria do Fuenlabrada (2-0)
Por Redacción |
-
Desconto fatal para un Pontevedra que deixa escapar a vitoria sobre o Toledo na última xogada (3-3)
Por Ramiro Espiño & Diego Torrado |
-
O Pontevedra entra en "depresión profunda" sufrindo en Cerceda a súa cuarta derrota consecutiva (1-0)
Por Ramiro Espiño & Diego Torrado |