O Pontevedra iguala o seu peor arranque ligueiro dos últimos 38 anos
Por Diego Espiño
A derrota ante o Fuenlabrada mantén ao Pontevedra Club de Fútbol nunha situación incómoda e inesperada, en postos de descenso e con só un punto na táboa.
Poucos pensaban nun arranque de competición similar nun ano no que a aspiración, segundo o declarado polos responsables da entidade no verán, era mellorar o conseguido a pasada campaña, cando o equipo xogou o play-off de ascenso a Segunda División.
A situación é agora diametralmente oposta, e é que poucos dos asiduos a Pasarón lembran un inicio de liga con peores cifras.
De feito hai que remontarse 38 anos atrás, á tempada 1979/1980, para atopar números similares, cun empate no primeiras cinco xornadas. Aquel ano os granates concluíron a competición no posto 13, sen abafos.
Na historia recente só se atopa outro caso parecido, a campaña 2000/2001, na que se lograron dous empates. Foi a tempada, nos primeiros compases da etapa de Nino Mirón como presidente, na que o Pontevedra salvou a categoría en Segunda B na última xornada, grazas a un agónico empate ante un Ourense que chegaba como líder.
Estes números contrastan ademais cos do pasado ano (7 puntos) ou mesmo os de hai dous (4 puntos), na volta á categoría de bronce.
A pesar diso desde o club apelan á tranquilidade e móstranse confiados en empezar a remontar o voo para partir do próximo domingo, cando o San Sebastián de los Reyes visite o Estadio Municipal de Pasarón.
Relacionadas:
-
Obrigados a reaccionar na visita do San Sebastián de los Reyes
Por Diego Espiño |
-
Desaparece o Pontevedra na segunda parte e os seus fallos defensivos facilitan a vitoria do Fuenlabrada (2-0)
Por Redacción |
-
Desconto fatal para un Pontevedra que deixa escapar a vitoria sobre o Toledo na última xogada (3-3)
Por Ramiro Espiño & Diego Torrado |