Autobuses de balde para acompañar o Pontevedra na final pola permanencia
Por Redacción
O Pontevedra Club de Fútbol non estará só o vindeiro domingo (18:00 horas) na cidade deportiva de Cerro del Espino, en Majadahonda, onde xogará a permanencia na Segunda División B ante o filial do Atlético de Madrid.
O club granate vén de anunciar a organización dunha viaxe para os seus afeccionados, na que se patrocinará o custo dos autocares.
Desta forma os que se despracen a Madrid só deberán abonar os 15 euros do custo da entrada para o partido.
A 'marea granate' partirá o mesmo domingo ás 7:00 horas desde o Pavillón Municipal dos Deportes para regresar á conclusión do encontro.
Segundo informou o Pontevedra, darase preferencia á hora de inscribirse aos seguidores que xa participaron en anteriores desprazamentos e aos socios, aínda que pode anotarse calquera afeccionado acudindo ás oficinas de Pasarón ata o vindeiro venres día 11, en horario de 9:00 a 14:00 e de 16: a 19:00 horas.
Polo momento o club non marca un número máximo de autocares para a viaxe organizada e asegura que a decisión de ampliar as prazas tomarase en función da demanda existente.
Relacionadas:
-
Salvados! O Pontevedra gaña en Madrid (0-2)
Por Diego Espiño & Ramiro Espiño |
-
Todo ao granate, non vai máis!
Por Diego Espiño |
-
David Añón: "Imos todos a deixarnos a pel para manter o Pontevedra na Segunda B"
Por Diego Espiño |
-
"Es una semana que todo el mundo quiere que pase rápido y llegue el domingo"
Por Diego Espiño |
-
Tres prazas de descenso máis o play-out para cinco equipos, así será a infartante última xornada da 2ªB
Por Diego Espiño |
-
O árbitro do Pontevedra-Adarve denuncia na acta un enfrontamento verbal con Lupe Murillo
Por Diego Espiño |
-
A seguir sufrindo. O Pontevedra non pode con Unión Adarve (0-0) e necesita gañar en Madrid
Por Ramiro Espiño & Diego Torrado |