Traballada vitoria do Peixe Galego no primeiro partido da fase de ascenso (74-62)
Por Redacción
Con bo pé iniciou o Peixe Galego o camiño cara ao ascenso á liga LEB Prata na fase final que se disputa desde este venres na Raña.
Apoiado polo seu público, os de Marín impuxéronse nun traballado encontro o Isover Azuqueca (74-62) para achegarse ao obxectivo final.
Os de Javi Llorente dominaron o encontro, pero custoulles romper o choque nun primeiro cuarto de tremenda igualdade e efectividade defensiva (12-11).
Foi no segundo parcial cando o Peixe comezou a marcar o seu territorio, con Simmons como MVP (22 puntos e 11 rebotes) secundado por un Pantín dominador na zona, chegando ao descanso con vantaxe de 33-25.
Tras o intermedio os visitantes tentaron recortar distancias, pero os de Marín tiraron de solidez para controlar a súa vantaxe e mesmo aumentala (54-43) a falta dos 10 minutos finais, nos que a vitoria xa non correu perigo.
O Peixe Galego sitúase así primeiro de grupo xunto a L'Afas, que venceu á súa vez ao Valencia CB (72-81). Este sábado (20:00 horas), segundo asalto cun duelo entre os líderes que pode resultar clave na pelexa polo ascenso.
Relacionadas:
-
Javi Llorente renova por tres anos co Peixe Galego
Por Redacción |
-
O Peixe Galego recupera o seu lugar na Liga LEB Prata
Por Diego Espiño & Diego Torrado |
-
Chega a hora da verdade para o Peixe Galego no seu camiño cara a LEB Prata
Por Redacción |
-
O Peixe Galego vence o Igualatorio Cantabria (73-66) e xogará o ascenso na casa
Por Redacción & Diego Torrado |
-
Primeiro obxectivo cumprido para o Peixe Galego, campión da fase regular da Liga EBA
Por Redacción |