Jake Wright, acento británico para o Froiz
Por Redacción
O Grupo Deportivo Supermercados Froiz amplía as súas fronteiras. A escuadra alimenticia fíxose cos servizos dunha das grandes promesas do ciclismo británico, Jake Wright.
O xoven corredor, de 19 anos e natural da localidade inglesa de Bury, convértese na primeira fichaxe confirmada polo equipo dirixido por Evaristo Portela para a próxima tempada, na que tentará manterse no alto do ranking nacional elite e sub-23.
Wright reforzará o Froiz na loita contra o crono, especialidade na que se proclamou en 2017 campión nacional e na que chegou a participar nos mundiais de Bergen do mesmo ano. Ademais segundo o seu novo equipo sente moi cómodo tamén en terreo montañoso.
Durante a pretempada o ciclista inglés permanecerá no seu país, e non será ata aproximadamente finais do mes de xaneiro cando viaxe a España para participar na presentación e concentración que o Froiz desenvolve tradicionalmente nesas datas.
Relacionadas:
-
O sprinter Francesc Zurita, novo reforzo para o Froiz
Por Redacción |
-
O Froiz suma dúas novas pezas para o seu proxecto de 2019
Por Redacción |
-
O Froiz aposta forte pola Copa de España e confirma a fichaxe de Jesús Arozamena
Por Diego Espiño |
-
Sergio Vega deixa o Froiz e dá o salto ao ciclismo profesional cun equipo portugués
Por Redacción |
-
Sergio Vega e o Froiz arrasan na Volta a Galicia
Por Redacción |