O Peixegalego cae ante o Ávila (69-76) e suma a súa terceira derrota consecutiva
Por Sofía Lorenzo & Diego Torrado
O Peixegalego está a atravesar a súa peor racha ata a data, xa que esta fin de semana encaixou a súa terceira derrota consecutiva no que vai de tempada. Nesta ocasión, contra o Ávila, cuarto clasificado de LEB Prata, na Raña.
A pesar de que a igualdade foi a tónica de practicamente todo o partido, o conxunto marinense cometeu erros que o condenaron á desvantaxe no marcador e na pista ante os avileses.
Con todo, o primeiro parcial foi para os locais, que superaron aos visitantes e lograron alcanzar o aro con maior facilidade. Durante os primeiros dez minutos os de Llorente controlaron o xogo. Pero foi no segundo cuarto cando comezaron os problemas.
Os visitantes, agora máis centrados, conseguiron o que os afeccionados do Peixe non esperarían nun principio; darlle a volta ao resultado. Así, os equipos fóronse ao descanso cun 35-39, marcando así a vantaxe dos de Ávila, á que os pontevedreses xa non lograrían facerlle fronte na segunda metade.
O paso polos vestiarios non trouxo máis que igualdade ao choque. A pesar do equilibrado do partido, o Peixe non chegou a alcanzar ao seu rival, sendo así, derrotado por unha diferenza de 7 puntos (69-76).
Deas esta forma, o cadro marinense posiciónase na zona media da táboa con sete puntos e á espera de que a súa sorte cambie de cara ás próximas xornadas.
Relacionadas:
-
Contra todo pronóstico, o Peixe vence a un dos rivais máis duros, o Navarra (81-69)
Por Sofía Lorenzo & Diego Torrado |
-
Terceiro triunfo do curso para o Peixe Galego ao superar o CB Tormes nun duelo vibrante (69-71)
Por Redacción |
-
O Peixegalego xa non é invencible e cae ante o Aquimisa (74-75)
Por Sofía Lorenzo |
-
O Peixegalego cae ante o Baskonia despois dunha tempada invicto (79-70)
Por Redacción |