O Arxil esperta e suma, por fin, a súa primeira vitoria ante o ABDA avilés (82-56)
Por Sofía Lorenzo & Diego Torrado
Despois dun desastroso comezo de tempada no que o Arxil acumula nada menos que sete derrotas, esta fin de semana conseguiu, por fin, sobrepoñerse e ser significativamente superior ao longo dos 40 minutos ante o ABDA de Avilés, que correu mellor sorte ata a data (3 vitorias).
Desde o inicio do partido, o cadro pontevedrés demostrou a súa superioridade na pista. Sabían que necesitaban cambiar a súa dinámica e así o fixeron. Desta forma, lograron finalizar o primeiro parcial cunha vantaxe de 9 puntos sobre as asturianas (22-13).
Durante os seguintes 10 minutos as de Mayte Méndez mantiveron o ritmo. Con todo, as visitantes conseguiron aumentalo, recortando distancia respecto ás locais, que, a pesar de todo, seguían contando coa vitoria. Así, fóronse ao descanso cunha cómoda renda (45-33).
Tras o paso polos vestiarios, máis do mesmo. As arxilistas non cederon ante as de Avilés, conseguindo estar sempre por diante no marcador. O terceiro parcial estivo un pouco máis axustado, pero, aínda así, a vitoria seguía quedándose na casa (62-47).
Cun resultado difícil de remontar para as asturianas, estas puxeron o partido en bandexa ás locais, xa que a inferioridade foi notable durante os minutos definitivos do encontro (20-9 no último parcial). A destacar as accións individuais de Mestres (18 puntos) e Cassandra Oursler (16 puntos), importantes xogadoras para o equipo pontevedrés.
Desta forma, cun resultado merecido (82-56), e ante a súa afección no CGTD, as de Méndez sumaron a súa primeira vitoria da tempada. Agora tócalles facer fronte ao próximo choque (Maristas Coruña) coas boas sensacións da súa vitoria inicial este curso.
Relacionadas:
-
Un desastroso parcial condena o Arxil ante o Rioja (93-67)
Por Redacción |
-
O Arxil volve á realidade e perde ante o Maristas Coruña (79-60)
Por Redacción |
-
Contratempo para o Arxil pola lesión de Cristina Díaz-Pache
Por Redacción |
-
O deporte pontevedrés, sensibilizado co 25-N
Por Redacción |
-
O Arxil non logra saír do pozo sumando outra derrota ante o Lima-Horta Barcelona (80-56)
Por Sofía Lorenzo |
-
O Arxil queda a un paso da vitoria ante o Barça CBS (69-79)
Por Sofía Lorenzo |
-
O Arxil dorme tras o descanso e cae ante o Aros de León (76-50)
Por Sofía Lorenzo |