O Cisne comeza mal o ano perdendo en Zamora (31-25)
Por Sofía Lorenzo
Duro correctivo o que levou o BM Cisne esta fin de semana en Zamora. A pesar de que o cadro local chegou ao encontro con catro baixas moi importantes, foi quen de facer coma se este feito non o fóra. Baseándose, sobre todo, nunha alta intensidade defensiva, logrou levar os dous puntos e continuar invicto na casa.
Primeira parte bastante igualada, polo menos, no que ao marcador se refire (15-12). Os zamoranos, a partir do forte bloque defensivo mencionado anteriormente, foron capaces de mostrar fluidez en ataque e aproveitar á perfección cada ocasión para non deixar que os pontevedreses se puxesen por diante en ningún momento. E, ademais, cando tes a un dos mellores xogadores da categoría nas túas filas (Octavio), isto último sempre é máis probable. O leonés segue sendo determinante aos seus 33 anos. A pesar diso, o Cisne soubo resistir e, aínda estando, nalgún momento, 5 goles por detrás, conseguiu recompoñerse e recortar distancias apoiándose, principalmente, nos lanzamentos exteriores de Álex Chan. En situacións onde non existe comodidade, ofensivamente falando, este apartado faise imprescindible.
A segunda parte máis do mesmo. Os de Jabato continuaron demasiado atascados en ataque, agravándose, desta forma, a diferenza no marcador e facendo imposible a remontada (31-25).
Será a próxima fin de semana ante o Nava, cando disputen o derradeiro partido da primeira volta no CGTD. Choque moi complicado contra un dos favoritos de División de Honor Prata.
Relacionadas:
-
O mal momento do Cisne alóngase tras unha dura derrota ante o Barça B (36-29)
Por Sofía Lorenzo |
-
O Cisne tira o partido ante o Amenábar nos últimos dez minutos (26-26)
Por Redacción |
-
Vitoria contundente do Nava ante un Cisne frouxo en defensa (29-37)
Por Sofía Lorenzo & Diego Torrado |
-
O Cisne prepara a segunda parte da tempada entre queixas pola falta de horas de pista
Por Redacción |
-
Vitoria do Cisne sobre a selección galega no XXV Memorial Manuel Luaces (34-32)
Por Redacción |