O Teucro recupera efectivos coa eliminación de Arxentina no Mundial
Por Redacción
Acabou o soño da Selección Arxentina de balonmán de avanzar á segunda fase do Campionato do Mundo, obxectivo que se marcou o combinado dirixido por Manolo Cadenas e que contaba cun xogador teucrista nas súas filas, Guillermo Fischer.
A albiceleste, que en xornadas previas empatara ante Hungría e gañara a Angola, con derrotas ante Exipto e Suecia, necesitaba vencer a Qatar na última xornada para clasificarse, e cedeu por 26 goles a 25.
Desta forma, Arxentina concluirá esta mesma fin de semana a súa participación no Campionato do Mundo de Alemaña e Dinamarca, disputando os partidos que definirán a clasificación do 17º ao 20º, primeiro ante Austria e o domingo no caso de gañar contra o vencedor do Serbia-Barhein.
Fischer, a pesar de non ser un dos xogadores máis utilizados por Manolo Cadenas, si contou con minutos nos diferentes encontros do torneo internacional sumando unha importante experiencia.
Agora coa eliminación o lateral, xunto ao seu compañeiro no Teucro Andrés Moyano que se atopaba na concentración arxentina como reserva, incorporarase á minipretempada dos pontevedreses.
Luís Montes recupera así efectivos para preparar da mellor maneira posible a segunda volta da competición na Liga Asobal, unha fase de preparación que conta cun partido amigable programado, o 26 de xaneiro en Lugo ante o Ademar de León.
Relacionadas:
-
O Teucro logra a cesión de Ismael Bela para cubrir a baixa por lesión de Quintas
Por Redacción |
-
Malas noticias para o Teucro: Juan Quintas perde o que resta de tempada
Por Diego Espiño |
-
O Teucro ficha o lateral brasileiro Yano Piovarczik
Por Diego Espiño |
-
Guillermo Fischer, representación teucrista no Mundial de balonmán
Por Redacción |
-
O Teucro volve ao traballo mentres segue á caza dun último reforzo
Por Diego Espiño |
-
Vicente Poveda convértese no primeiro reforzo de inverno do Teucro
Por Redacción |