Sara Cortegoso, Arlet Ortiz e Iván García selan o seu pase ao Mundial de taekwondo
Por Redacción
O Open de España de Taekwondo celebrado esta fin de semana en Vila-Real, Castelló, deixou grandes noticias para o taekwondo pontevedrés.
Con esta cita, de categoría G-1, pechábase a clasificación para o Campionato do Mundo Absoluto que terá lugar o próximo mes de maio en Manchester, e dous deportistas da comarca selaron a súa clasificación para o mesmo uníndose á marinense Arlet Ortiz (Mat's).
Trátase de Sara Cortegoso (Mace Sport de Pontevedra) e de Iván García (Mat's de Marín), que lograron senllas medallas de bronce en Castelló. Tamén subiu ao terceiro chanzo do podio Javier González (Mace Sport) en -74 quilos, no seu caso estreando tempada tras superar problemas físicos nos últimos meses.
Cortegoso competiu na categoría de -46 quilos conseguindo un resultado que lle permite recuperar o número 1 do ranking nacional. Eliminou en primeira rolda a Andrea Mengual (30-3) e posteriormente a Laura Muñoz (28-25), mentres que na semifinal cedeu ante a gran favorita, a turca Filiz Ogel tras empatar (18-18) e decidirse o combate no punto de ouro.
En canto a Iván García, fíxose co bronce en -87 quilos tras vencer en cuartos de final ao ruso Nurmagomedov (26-4) e caer en semifinais ante o turco Hasan Can Lazoglu (20-16).
En Vila-Real tamén se celebrou o Open de España para as categorías cadete e júnior. Na primeira delas Sergio Troitiño (Mat's) conseguiu a medalla de ouro no seu peso, mentres que Alesandra Imparato (Mace Sport) e Inés González (Mace Sport) foron bronce. Pola súa banda en idade júnior Aitana López (Suh TKD Pontevedra) e Alejandro Costado (Suh TKD Pontevedra) subiron tamén ao terceiro chanzo do podio.
Relacionadas:
-
A taekwondista pontevedresa Sara Cortegoso múdase ao CAR de Barcelona
Por Manu Otero |
-
Bos resultados para o Mace Sport nos nacionais sub-21, júnior e cadete de taekwondo
Por Redacción |
-
O Taekanart recibe a máis de 300 deportistas para o Open Cidade do Lérez
Por Sofía Lorenzo |
-
O número 1 do ranking internacional apea a Iván García do Mundial de taekwondo
Por Redacción |
-
Sara Cortegoso queda a un paso das medallas no Mundial de taekwondo
Por Redacción |
-
Reto mundial para Sara Cortegoso, Arlet Ortiz e Iván García en Manchester
Por Redacción |
-
Ángel López, pentamedallista no Campionato de Europa de Taekwondo-Praia
Por Redacción |
-
Os deportistas do Mace Sport e Mat's levan a Galicia ao ouro no Campionato de España de taekwondo
Por Redacción |
-
Iván García logra o bronce no Open de Turquía de Taekwondo
Por Almu Dapena |
-
Sergio Troitiño (Mat's de Marín) saca billete ao Campionato de Europa Cadete de taekwondo
Por Redacción |