O 'último' servizo de Pablo Picallo ao Cisne
Por Redacción
Un a un, a contagotas, o Club Cisne Balonmán vai confirmando o seu persoal para o próximo curso
O último en renovar foi un home da casa, Pablo Picallo, que cumprirá así 23 anos no clube e 10 tempadas no primeiro equipo.
O extremo esquerdo avanzou iso si que a tempada que vén "podería ser a última para min e algún outro".
"Avecíñase unha tempada moi dura, quizais a máis dura desde que estamos nesta categoría, e será todo un reto para a entidade", sinalou o xogador cineísta.
Picallo únese así á lista de homes confirmados no Club Cisne, na que tamén se atopan José Leiras, Javi Vázquez, Álvaro Preciado, Daniel Ramos, Pablo Gayoso, Álex Chan, Alejandro Conde, Andrés Sánchez, David Chapela e Iván Calvo.