Las Rozas, praza inédita para o Pontevedra
Por Diego Espiño
O próximo partido de liga do Pontevedra Club de Fútbol, ademais de supoñer o debut de Carlos Pouso no banco granate, será unha cita para a historia, xa que será a primeira vez que se enfronte a Las Rozas CF, xa sexa na súa actual denominación ou na anterior.
Nunca visitou Las Rozas o conxunto da Boa Vila, polo que o duelo do domingo (12:00 horas) no Polideportivo de Navalcarbón será inédito. Non en balde trátase da primeira campaña do cadro madrileño na Segunda División B.
Las Rozas Club de Fútbol foi fundado no ano 1966 baixo a denominación de CD Las Rozas, pasando ao seu actual nome na campaña 2009-2010 tras a fusión coa Unión Las Rozas. Ao longo da súa historia militou 19 tempadas en Terceira División, e tras a súa primeira fase de ascenso, na que deixaron na cuneta a Atlético Saguntino, SD Logroñés e Mallorca B, lograron o pasado verán un histórico salto á categoría de bronce do balompé nacional.
Agora na súa estrea da Segunda B están a ser unha das sensacións do Grupo I, mostrando unha imaxe notable que lles leva a estar colocados na décima posición con 14 puntos, un menos que o Pontevedra. Baixo a dirección técnica de Lolo Escolar, o equipo madrileño aínda non perdeu no seu estadio (2 vitorias e tres empates) e só encaixou 7 goles en 11 xornadas, que contrastan cos 20 recibidos polos granates no que vai de liga.
En Madrid os pupilos de Carlos Pouso atoparanse cun rival rochoso nun estadio que a pesar de aparentar amplitude por contar con pistas de atletismo, non se destaca precisamente polas súas dimensións (102x62 metros) contando ademais con céspede artificial, aínda que cun tapete recentemente renovado.
Relacionadas:
-
A nova etapa do Pontevedra iníciase no Polideportivo de Navalcarbón
Por Diego Espiño |
-
Pouso está "gratamente sorprendido" co plantel e avanza que "no habrá muchos cambios" en Las Rozas
Por Diego Espiño |
-
O Pontevedra esgota o prazo para fichar tras a lesión de Javi López
Por Diego Espiño |
-
O Pontevedra de Pouso "quiere transiciones rápidas", asegura Álex González
Por Diego Espiño |
-
Primeira toma de contacto de Carlos Pouso co plantel
Por Diego Espiño & Cristina Saiz |
-
Carlos Pouso comprométese co Pontevedra ata final de tempada esperando "no defraudar"
Por Diego Espiño |
-
Así, si. O Pontevedra reivindícase cun gran triunfo sobre o Melilla (3-1)
Por Ramiro Espiño & Diego Torrado |