A renuncia a facer os clasificatorios olímpicos pendentes pecha a porta a Tokyo a varios padexeiros da comarca
Por Diego Espiño
A Federación Internacional de Piragüismo descartou de maneira oficial a celebración das competicións preolímpicas pendentes, nas que se debían adxudicar o 15 por cento das prazas que faltan por outorgar para participar nos Xogos de Tokio, se é que estes chegan finalmente a celebrarse ante a situación de alarma mundial polo avance do coronavirus.
Precisamente a pandemia provocou a suspensión das competicións internacionais ata finais do mes de maio.
Esta decisión, trasladada a nivel nacional aos deportistas por parte da Real Federación Española de Piragüismo, pecha a porta á cita olímpica a varios padexeiros da comarca, que tiñan posto o seu obxectivo da tempada no preolímpico europeo que repartía os últimos billetes para Xapón, e deixa a outros pendentes da reatribución de prazas.
Segundo este comunicado a entidade federativa mundial (ICF) trasladará o próximo 1 de abril o seu pronunciamento sobre o sistema que determinará a adxudicación desas prazas pendentes, sobre as que os dirixentes europeos e asiáticos mostráronse partidarios de dar prioridade á clasificación obtida no Mundial 2019.
Antía Jácome (EP Ciudad de Pontevedra), conseguiría billete no C-2 500 metros xunto á súa compañeira Patricia Coco ao ser a primeira embarcación reserva a nivel europeo
De ser así unha canoísta pontevedresa, Antía Jácome (EP Ciudad de Pontevedra), conseguiría billete no C-2 500 metros xunto á súa compañeira Patricia Coco ao ser a primeira embarcación reserva a nivel europeo. Pola súa banda Adrián Sieiro e Sergio Vallejo (Piragüismo Poio) terían opcións no C-2 1000 metros como terceiros reservas europeos tras o seu quinto posto na Final B do pasado Mundial de Hungría.
Os que seguro xa non poderían acceder ao soño olímpico serían Manuel Fontán (Naútico O Muíño de Ribadumia) xunto ao cangués Pablo Graña na mesma distancia, o C-2 1000 metros, na que aspiraban conseguir no selectivo nacional o pase ao preolímpico, ou Natalia García (Breogán) no kaiak. Mesma situación na que se atopa Diego Romero (Breogán do Grove) no seu caso na canoa individual, o C-1 1000.
Relacionadas:
-
Sesións virtuais de adestramento, a nova iniciativa da Federación Galega de Piragüismo
Por Redacción |
-
Confirmada a nova data para os Xogos Olímpicos: do 23 de xullo ao 8 de agosto de 2021
Por Redacción |
-
A Xunta garante aos deportistas con aspiracións olímpicas que o seu programa de axudas "seguirá plenamente vixente"
Por Redacción |
-
Oficial: Os Xogos Olímpicos pospóñense a 2021
Por Redacción |
-
Natalia García ou como pasar a corentena concentrada coas súas compañeiras do equipo nacional de piragüismo
Por Diego Espiño |
-
A Federación de Piragüismo cancela os selectivos nacionais, claves para os Xogos Olímpicos
Por Almu Dapena |
-
A selección española de piragüismo, con cinco padeeiros da comarca na lista, proba o campo de regatas de Tokio
Por Redacción |
-
Teresa Portela fai historia en Hungría e encara os seus sextos Xogos Olímpicos
Por Sofía Lorenzo |
-
Os padeeiros pontevedreses avanzan con paso firme en Hungría
Por Manu Otero |