O Centro Deportivo de Campolongo fixa para o 22 de xuño a súa data de reapertura
Por Redacción
Despois de tres meses de peche absoluto debido ao coronavirus, unha das instalacións deportivas máis utilizadas polos pontevedreses prepárase para retomar a actividade.
O Centro Deportivo de Campolongo fixou o 22 de xuño como data para a súa reapertura ao público.
A instalación municipal pechou as súas portas o pasado 13 de marzo, e agora abrirá con todas as súas zonas deportivas operativas, incluídas as de auga.
Farao iso si seguindo un estrito protocolo de hixiene e seguridade ao que deberán cinguirse os usuarios.
Así, entre outras cousas, realizarase un control de temperatura á entrada do complexo, establecerase un horario preferente para os maiores de 65 anos, controlarase o aforo das clases a través da app de reserva e esixirase o uso de máscara nas zonas comúns.
Tamén se renovará de maneira constante o aire e se desinfectarán os filtros, así como a auga da piscina e o material e maquinaria.
Por último habilitaranse puntos de desinfección de calzado e estacións de desinfección persoal.
Ademais recoméndase aos usuarios do centro que se laven frecuentemente as mans e eviten usar os secadores, duchas e aseos.
Relacionadas:
-
A 'nova normalidade' chega ás piscinas de Campolongo
Por Redacción & Mónica Patxot |
-
Autorizada a continuación do contrato de concesión das piscinas de Campolongo
Por Oskar Viéitez |
-
As instalacións deportivas municipais seguirán pechadas en xuño
Por Redacción |
-
O PP solicita protocolos para garantir a seguridade e hixiene das instalacións deportivas
Por Redacción |
-
Os box de crossfit serán os primeiros centros de adestramento en abrir en Pontevedra
Por Manu Otero & Mónica Patxot |
-
A reapertura dos ximnasios será progresiva, cun tercio do aforo e sen vestiarios
Por Alejandro Espiño |