A Escola Galega do Deporte volve á actividade no CGTD
Por Redacción
O Centro Galego de Tecnificación Deportiva vai recuperando aos poucos as súas diferentes actividades tras a reapertura. A última nesta lista é a de formación, co regreso das sesións do Centro Público Escola Galega do Deporte, un centro recentemente reactivado pola Secretaría Xeral para o Deporte co apoio de UFEDEGA tras case unha década sen protagonizar actividades formativas.
A instalación pontevedresa acolleu xa as primeira prácticas dentro dun programa de primeiros auxilios aplicados á práctica deportiva.
En concreto 25 alumnos das federacións deportivas galegas de halterofilia e remo fórmanse sobre a valoración inicial de accidentados, técnicas de soporte vital básico, protocolos de seguridade e primeiros auxilios.
Tras esta primeira quenda, o sábado 11 de xullo tomarán a testemuña o alumnado das federacións de boxeo e kárate, e o sábado 18 tocaralle aos alumnos de kickboxing, loita e taekwondo.
A Escola Galega do Deporte promove e autoriza os ensinos deportivos co obxectivo de que deportistas galegos se formen e obteñan titulación oficial de adestrador deportivo de Nivel I, II ou III do deporte correspondente.
Neste caso particular os ensinos correspóndense a un bloque común de nivel I dentro dun curso deseñado cunha duración de 5 semanas, estando previsto que ata 107 deportistas cheguen a ser adestradores de Nivel I sen ningún tipo de custo engadido máis aló da tramitación burocrática.
Relacionadas:
-
Máis de 100 alumnos participaron no curso de adestradores nivel I celebrado no CGTD
Por Redacción |
-
Convocadas 160 prazas para a tempada 20/21 no Centro Galego de Tecnificación Deportiva
Por Redacción |
-
O CGTD acolle a sesión de primeiros auxilios do curso de adestradores deportivos nivel 1 de boxeo e karate
Por Redacción |
-
O "raro" regreso dos atletas da Gimnástica á pista do CGTD
Por Redacción |
-
O CGTD reabre pero os deportes de contacto quedan fóra
Por Manu Otero |
-
O CGTD avanza cara a nova normalidade
Por Redacción |
-
O CGTD completa a súa primeira semana de desescalada con 64 deportistas autorizados
Por Manu Otero |
-
Javier Gómez Noya e Pablo Dapena reestrean a piscina do CGTD
Por Redacción |