O CGTD acolle a sesión de primeiros auxilios do curso de adestradores deportivos nivel 1 de boxeo e karate
Por Redacción
Unha semana despois de acoller as primeiras sesións prácticas do bloque común de adestradores deportivos nivel I que organiza o Centro Público Escola Galega do Deporte, o Centro Galego de Tecnificación Deportiva volveu acoller novas sesións de primeiros auxilios aplicadas á práctica deportiva, neste caso para 27 alumnos das federacións galegas de boxeo e karate.
Os alumnos formáronse nestas 10 horas de prácticas sobre a valoración inicial de accidentados, técnicas de soporte vital básico, protocolos de seguridade e primeiros auxilios.
Nas sesións matutinas, traballaron sobre a dinámica de accidente de autobús para triaxe, reanimación cardiopulmonar (RCP), manexo de desfibrilador e obstrución vía aérea.
Pola súa quenda, nas sesións vespertinas estudaron as lesións do aparato locomotor, práctica de vendaxes, contido do botiquín, así como o resto de actuacións para tratar feridas, hemorraxias, asma, diabetes, queimaduras... Respectando en todo momento as normas establecidas para a Covid-19 (máscaras, distancia de seguridade ou xel).
Tras os cursos das federacións deportivas galegas de halterofilia e remo, e de boxeo e karate, o sábado 18 tocaralle aos alumnos de kickboxing, loita e taekwondo.
Relacionadas:
-
Máis de 100 alumnos participaron no curso de adestradores nivel I celebrado no CGTD
Por Redacción |
-
Convocadas 160 prazas para a tempada 20/21 no Centro Galego de Tecnificación Deportiva
Por Redacción |
-
O boxeo en Pontevedra ponse en 'forma'
Por Redacción |
-
A Escola Galega do Deporte volve á actividade no CGTD
Por Redacción |