Aprazada a maio de 2021 a 4 Picos Bike
Por Redacción
O calendario dos eventos deportivos despois do estado de alarma causado pola pandemia da Covid-19 volve acumular cancelacións. A última foi a proba ciclista 4 Picos Race que, despois de ser aprazada unha primeira vez (estaba prevista para maio e moveuse para o 12 de setembro), a organización do evento, Global DxT, viuse obrigada a aprazala unha vez máis.
"Moi ao noso pesar, tivemos que tomar a decisión do aprazamento da proba, ao ser unha proba non federada, o que fai que os leitos administrativos sexan diferentes na actual situación que aqueles esixidos nas probas federadas, como é o caso da Epic Race Pontevedra, que segue adiante tendo todos os permisos ao día, tanto administrativos como sanitarios", anunciaron este sábado os organizadores.
"A pesar de cumprir con todos os protocolos necesarios para levar a cabo o evento e de estar moitos meses estudando todos os pormenores da proba, non podemos seguir esperando a aprobación final, debido a que entendemos que moitos de vós necesitades saber canto antes se a proba finalmente pódese levar a cabo (reserva de hoteis, permisos laborais, etc) e a estas alturas aínda non temos notificación oficial de que poida ser así. Foron moitas reunións, procura de solucións, presentación de papelada, etc, pero a responsabilidade impera e é por iso polo que se produce o aprazamento desta proba", engaden.
Agora, mentres non se poida levar a cabo a súa celebración, os participantes poderán cambiar a inscrición á Epic Race Pontevedra, traspasala á nova data (8 de maio de 2021) ou a devolución da inscrición (devolverase o 100% do abonado fóra dos gastos bancarios).
Para acollerse á última opción é preciso enviar un correo electrónico a soporte@emesports.es indicando o nome e apelidos e solicitando a devolución de inscrición Pontevedra 4 Picos. Así mesmo, a páxina web estará dispoñible con toda a información necesaria.
Relacionadas:
-
A Pontevedra 4 Picos de BTT pon a proba a 1.500 ciclistas
Por Redacción & Cristina Saiz |
-
A Pontevedra 4 Picos volve a escena dous anos despois con 1.500 ciclistas rexistrados
Por Diego Espiño |
-
Punto e final a unha Epic Race diferente e marcada polo coronavirus
Por Redacción |
-
A Epic Race fai fronte ao coronavirus e celebra a súa cuarta edición
Por Almu Dapena & Cristina Saiz |
-
A carreira de bicicleta de montaña máis épica volve aos montes de Pontevedra
Por Manu Otero |
-
Aprazada ata o 12 de setembro a Pontevedra 4 Picos Bike
Por Redacción |