Poio pacta cos clubs iniciar as escolas deportivas a partir do 1 de outubro
Por Redacción
As escolas deportivas de Poio iniciarán a súa actividade para partir do próximo 1 de outubro. É o acordo ao que chegou o Concello cos clubs que xestionan as actividades de deporte base, a condición de que a evolución da pandemia o permita.
Previamente habilitarase un prazo de pre-inscrición coa idea de "ter unha previsión da demanda que imos ter este ano nas diferentes modalidades", explicou a concelleira de Deportes, Marga Caldas, tras reunirse telematicamente con representantes das entidades deportivas do municipio.
A edil aclarou que se establecerán as medidas de prevención e seguridade pertinentes e estableceranse limitacións nos grupos de adestramento en función das normativas das federacións e da Xunta de Galicia. Ademais o Concello de Poio ten previsto establecer un protocolo propio en cada instalación "adaptándonos ás características propias de cada modalidade".
No encontro Caldas interesouse pola situación nas que se atopan os clubs, en relación sobre todo á posible data de inicio de cada competición, e tamén se falou sobre as obras de remodelación previstas no pavillón da Seca e no ximnasio municipal.
Relacionadas:
-
Poio pon en marcha un plan de reactivación no deporte para principios de marzo
Por Andrea Sánchez Barreno |
-
Poio inicia a actividade das súas escolas deportivas municipais con preto de 350 inscritos
Por Redacción |
-
Poio abre a preinscrición para as escolas deportivas
Por Redacción |
-
Fondos europeos para atallar a sangría eléctrica do ximnasio da Seca en Poio
Por Redacción |
-
As obras no pavillón de A Seca obriga ao Concello a buscar alternativas para os clubes
Por Redacción |