O CB Ravachol faise co campión de España de dobres, Javier Sánchez
Por Redacción
O Club Bádminton Ravachol Pontevedra fai oficial a fichaxe do andaluz Javier Sánchez, que chega ao conxunto pontevedrés co obxectivo de contribuír a lograr a permanencia na máxima categoría do bádminton nacional.
O actual campión de España absoluto na modalidade de dobres masculino, suma nove tempadas consecutivas no máximo nivel competitivo estatal en equipos como o Eivissa BC, o CB Rinconada e o CB Benalmádena, disputando 269 partidos e acabando como subcampión de liga en cinco ocasións.
"O principal motivo de que teña moitísimas ganas de formar parte deste club é o seu gran espírito de equipo e o bo ambiente que ten. Teño moitas ganas e ilusión de empezar e achegar todo o que poida, estou convencido de conseguiremos o obxectivo da permanencia e que será un gran ano 2021", declarou Sánchez durante a súa presentación.
"Estamos moi felices de poder contar con Javi, sen dúbida vai ser o revulsivo que o equipo necesita para saír desta mala serie de resultados. Necesitabamos un doblista experimentado no equipo e non hai ninguén mellor para ese posto. Desde que comezou a liga estamos a ver como se nos escapan os enfrontamentos na rolda de dobres, en individual somos competitivos, pero non gañamos ningún mixto e tan só un dobres masculino, estamos seguros de que con Javi isto cambiará", explicou o director deportivo, Jesús Pereiro.
Relacionadas:
-
A División de Honra de bádminton para ata o mes de marzo pola pandemia
Por Redacción |
-
O Bádminton Ravachol suma a súa primeira vitoria na máxima categoría fronte o Rinconada Sevilla (5-2)
Por Cristina Saiz & Almu Dapena |
-
Enerxías renovadas para a volta á competición do Bádminton Ravachol
Por Redacción |
-
O Bádminton Ravachol refórzase coa fichaxe da asturiana Elena Fernández
Por Redacción |
-
O Bádminton Ravachol pecha a súa participación nos campionatos nacionais individuais
Por Redacción |
-
O Bádminton Ravachol brilla no autonómico absoluto
Por Redacción |