Enerxías renovadas para a volta á competición do Bádminton Ravachol
Por Redacción
Acabou o descanso para o Bádminton Ravachol Pontevedra, que este sábado 16 de xaneiro (17.00 horas) volve á competición na División de Honra tras o parón do Nadal.
Farao con enerxías renovadas e un equipo reforzado tras as fichaxes de Javier Sánchez e Elena Fernández recibindo no Centro Galego de Tecnificación Deportiva o Bádminton Rinconada, o equipo máis laureado a nivel nacional con 12 títulos ligueiros no seu palmarés e dous bronces na Copa de Europa.
O plantel sevillano conta con xogadores destacados como Carlos Piris ou Laura Molina, ademais de tres deportistas ingleses de gran nivel. Con todo a presenza destes, do mesmo xeito que a dos británicos do Ravachol, está condicionada pola crise sanitaria e o Brexit.
A esas baixas deberán sobrepoñerse no cadro pontevedrés, que buscará a súa primeira vitoria do curso ante o actual cuarto clasificado.
"Empezar a sumar puntos é fundamental para agarrarnos á permanencia, unha vitoria daríanos un impulso enorme tanto na clasificación como na moral do equipo, e aínda que sabemos que eles son os favoritos, imos deixarnos a pel na pista loitando cada partido", sinalou sobre este enfrontamento o xogador Manuel Brea.
Relacionadas:
-
O Bádminton Ravachol suma a súa primeira vitoria na máxima categoría fronte o Rinconada Sevilla (5-2)
Por Cristina Saiz & Almu Dapena |
-
O Bádminton Ravachol refórzase coa fichaxe da asturiana Elena Fernández
Por Redacción |
-
O CB Ravachol faise co campión de España de dobres, Javier Sánchez
Por Redacción |
-
O Bádminton Ravachol pecha a súa participación nos campionatos nacionais individuais
Por Redacción |