Rufo estará de baixa entre 3 e 4 semanas "en función da súa evolución"
Por Diego Espiño
Despexada a incógnita que mantiña en albas ao Pontevedra Club de Fútbol, que xa sabe canto tempo estará de baixa Rufo tras a lesión que se produciu no último partido de liga, fronte ao Racing de Ferrol.
As sensacións inicialmente non eran boas, e aínda que pronto se descartou a posibilidade dunha rotura no seu ombreiro esquerdo, o certo é que os granates perderán ao seu dianteiro por un prazo de entre 3 e 4 semanas "en función da evolución", reflicte o parte dos servizos médicos.
A resonancia magnética á que foi sometido o futbolista revela que sofre unha escordadura acromio-clavicular de grao I-II.
Esta lesión manterá por tanto a Rufo fóra do equipo un par de semanas nun momento clave da competición, causando baixa segura para o duelo deste domingo en Salamanca fronte Unionistas e a seguinte xornada fronte ao Celta B.
Se os prazos prognosticados son os mínimos posibles o 9 granate podería regresar para a visita do Zamora ao Estadio Municipal de Pasarón (7 de febreiro).
Relacionadas:
-
Situación límite no Pontevedra
Por Diego Espiño |
-
Un erro na acta arbitral deixa no aire a sanción de Xisco Campos tras a súa expulsión en Salamanca
Por Diego Espiño |
-
Inxusta derrota do Pontevedra fronte a Unionistas (1-0) que o deixa na UCI
Por Diego Espiño |
-
Evitar "présas e ansiedade", primeira premisa do Pontevedra para derrotar ao líder Unionistas
Por Manu Otero |
-
A lesión de Rufo obriga a cambiar o plan: o Pontevedra, á procura dun dianteiro sub-23
Por Diego Espiño |
-
O estado de Rufo, unha preocupación máis para o Pontevedra
Por Diego Espiño |
-
Desastroso partido dun Pontevedra que perde fronte ao Racing de Ferrol en inferioridade e entra en crise (0-1)
Por Diego Espiño & Cristina Saiz |