Derrota do Arxil en casa do Ibaizábal tras un desastroso primeiro cuarto (54-44)
Por Redacción
O Club Baloncesto Arxil volveu a caer ante o Ibaizábal, esta vez en casa do equipo vasco. Foron moi superiores as locais, que deixaron practicamente sentenciado o encontro no primeiro cuarto (24-6).
Aínda que as Mayte Méndez foron mellores no segundo e terceiro acto, a diferenza do principio fora demasiado grande e terminaron caendo por 54-44.
Erro tras erro foi sumando o Arxil nada máis saír á cancha, véndose superado por un Ibaizábal moi efectivo de fronte ao aro que endosou un parcial de 24-6 no primeiro acto.
Ía custar dar a volta ao marcador, pero a reacción do equipo pontevedrés foi chegando aos poucos e fortaleceuse defensivamente para impedir que a renda local fose maior. Desta maneira e aínda sen dar coa tecla, chegouse ao descanso un resultado de 35-19.
O paso polos vestiarios veu ben ao Arxil, que se fixo co terceiro acto para seguir recortando e facer perigar o triunfo local grazas ao acerto en ataque de Sara Castro (11 puntos), Noelia Masía (10 puntos) e Samra Omerbasic (9 puntos).
Co 41-34 alcanzouse o último cuarto e o Ibaizábal recuperou o seu dominio. Aínda que as de Mayte Méndez pelexaron cada balón e mesmo chegaron a poñerse a 4 puntos (45-41), o equipo local volveu ser mellor nos últimos minutos e sentenciou en 54-44.
Consulta as estatísticas do GDKO Ibaizábal-Arxil
Relacionadas:
-
Dobre cita clave para o Arxil en Canarias
Por Redacción |
-
Excesivo castigo para un Arxil que mereceu máis ante o Miralvalle (49-60)
Por Almu Dapena & Cristina Saiz |
-
Un Arxil lastrado polas lesións e as dificultades para adestrar busca a vitoria fronte o Miralvalle
Por Redacción |
-
Nova derrota do Arxil ao caer por 58-40 no derbi ante o Cortegada
Por Almu Dapena |
-
Cortegada-Arxil, un derbi para tentar escapar da zona baixa
Por Redacción |
-
Samra Omerbasic, reforzo para o Arxil desde a Liga Feminina
Por Redacción |
-
Quinta vitoria para o Arxil, que sentenciou no último cuarto ante un combativo Rosalía (53-48)
Por Almu Dapena & Cristina Saiz |
-
Acordo para a saída de Bineta Ndoye do Arxil
Por Diego Espiño |
-
Un Arxil de altibaixos termina o seu maratón de partidos con derrota ante Ibaizábal (55-65)
Por Almu Dapena & Cristina Saiz |