Pitu, reforzo ofensivo para o Pontevedra ao límite do prazo
Por Diego Espiño
Segunda fichaxe invernal para o Pontevedra Club de Fútbol, nesta ocasión rozando o límite do prazo de inscrición que finaliza oficialmente este luns 1 de febreiro.
O club granate confirmou a incorporación de Juan Carlos Fernández Marín, coñecido futbolisticamente como 'Pitu', un xogador co que se trata de dar máis opcións á parcela ofensiva do equipo.
De feito o atacante, de 20 anos, "pode actuar nos tres perfiles de ataque", destaca o Pontevedra, que tras a lesión de Rufo, pese a súa recuperación exprés, decidiu buscar un reforzo para a dianteira.
Pitu chega ao club granate procedente da UE Cornellá, conxunto do Subgrupo 3-A de a Segunda División B que marcha na oitava posición e no que esta campaña gozou de poucas oportunidades, participando unicamente en 34 minutos repartidos en 4 encontro de liga.
Formado no xuvenil do Levante UD, o novo xogador do Pontevedra debutou a pasada campaña na Segunda B nas filas do Orihuela, onde participou en 27 partidos (13 de titular) anotando 2 goles.
A súa chegada coincide coa saída de Samu Vilariño, que marcha como cedido ata final de tempada ao Alondras da Terceira División.
Relacionadas:
-
Toda a tempada en xogo en 8 días de infarto
Por Diego Espiño |
-
Pitu, un xogador de banda "vertical" que ve o Pontevedra "un equipo grande"
Por Diego Espiño & Mónica Patxot |
-
O Pontevedra deixa escapar o triunfo ante o Celta B no último suspiro e permanece na UCI (1-1)
Por Manu Otero |
-
Damià Sabater, presentado en Pasarón: "Tenía ganas de venir en verano y no se pudo concretar. Creo que he acertado"
Por Diego Espiño & Mónica Patxot |
-
Damià Sabater, novo xogador do Pontevedra
Por Diego Espiño |