O partido entre Trapagaran e Teucro, aprazado pola covid-19
Por Diego Espiño
O Comité de Competición da Real Federación Española de Balonmán notificou este venres o aprazamento do partido que debían xogar o sábado (18.30 horas) o Trapagaran e a Sociedad Deportiva Teucro.
Segundo confirmou o club pontevedrés tras recibir a notificación oficial, esta decisión débese a "motivos de covid no equipo local".
#DHPlatamasc | El partido a disputar este sábado 10 de abril a las 18:30h. queda aplazado por motivos de covid-19 por parte del equipo local. Desde Pontevedra os deseamos una pronta recuperación. Mucho ánimo @TrapagaranEskub https://t.co/FILJVBbrge
— (@sdteucro) April 9, 2021
Os azuis debían desprazarse esta fin de semana ao País Vasco para afrontar un duelo crave na loita pola permanencia, despois de sumar 1 punto de 6 posibles nos seus tres primeiros partidos da segunda fase. A pesar diso os de Irene Vilaboa mantéñense fóra das prazas de descenso a Primeira Nacional pero só un punto de vantaxe (11 ten o Teucro polos 10 de Ikasa Madrid e Sarrià e os 9 de Lalín e Sant Martí).
Tratábase dun duelo de dificultade para os pontevedreses, e é que o conxunto biscaíño comezou a segunda fase con 0 puntos pero chegaba á cita tras sumar tres triunfos consecutivos, ante Sant Martí, Bordils e Lalín.
Tras a suspensión e a falta de coñecer a nova data para o choque, o Teucro mira xa á seguinte xornada, na que recibirá no Municipal a un dos seus principais perseguidores, o Ikasa Madrid.
Relacionadas:
-
Teucro e Trapagaran fixan o seu encontro aprazado para o xoves 29 de abril
Por Redacción |
-
O Teucro busca o primeiro triunfo da segunda fase para abandonar os postos de descenso
Por Redacción |
-
O Teucro non pode co líder e segue sen coñecer a vitoria na fase pola permanencia (23-25)
Por Almu Dapena & Cristina Saiz |
-
Un mal inicio condena o Teucro na súa visita ao Amenabar (27-24)
Por Almu Dapena |
-
Teucro e Zamora asinan un empate no primeiro partido da fase pola permanencia (23-23)
Por Almu Dapena & Cristina Saiz |