Unha vitoria e un empate para o TM Monte Porreiro na Superdivisión
Por Redacción & Cristina Saiz
Non foi mal a dobre xornada de Superdivisión masculina de tenis de mesa para o Monte Porreiro, que venceu por 0-4 este sábado ao Leganés e ao día seguinte empatou co San Sebastián de los Reyes 3-3.
O equipo pontevedrés mostrou moi boa imaxe na súa visita a Leganés, onde non cederon ningún set e derrotaron ao pechacancelas cun contundente 0-4.
Pola súa banda, o domingo enfrontáronse ao San Sebastián de los Reyes. Os de Nando Álvarez competiron de ti a ti ante os madrileños, remontando un 1-3 para terminar empatando.
Con estes resultados, o Visit Pontevedra mantense en cuarta posición con seis puntos, a un do Arteal Santiago, que é terceiro, e a dous do San Sebastián de los Reyes, segundo. O líder indiscutible é o Asisa Borges Vall, imbatible con seis vitorias.
DIVISIÓN DE HONRA
O equipo masculino de División de Honra recibiu este domingo no Príncipe Felipe ao Cambados para enfrontarse nun duelo crave polo segundo posto.
Os de Monte Porreiro, a pesar de mostrar boa imaxe, caeron cun claro 1-4 que os descende a terceira posición, a un punto do Cambados.
Relacionadas:
-
O mítico He Zhi Wen 'Juanito' regresa á Superdivisión con 59 anos e debutará contra o Monte Porreiro
Por Almu Dapena |
-
O Tenis de Mesa Monte Porreiro rasca un valioso empate nunha complicada concentración da Superdivisión
Por Redacción |
-
Príncipe Felipe, escenario por segunda vez este curso dunha concentración da Superdivisión de tenis de mesa
Por Redacción |
-
O Tenis de Mesa Monte Porreiro presume de título na Primeira Nacional Feminina
Por Redacción |
-
O Tenis de Mesa Monte Porreiro rompe teitos
Por Manu Otero |
-
Unha vitoria e unha derrota para o TM Monte Porreiro na segunda xornada ligueira
Por Cristina Saiz & Redacción |
-
O TM Monte Porreiro 'rasca' un punto no seu debut ligueiro, e será anfitrión da próxima xornada
Por Redacción |