Rexeitada unha petición do Oviedo para aprazar o partido do seu filial en Pontevedra
Por Diego Espiño
O partido da última xornada de liga entre Pontevedra Club de Fútbol e Real Oviedo Vetusta, no que ambos os dous pelexarán por evitar o descenso á Terceira RFEF, xogarase tal e como estaba previsto este domingo 23 de maio ás 12.00 horas no Estadio Municipal de Pasarón.
O repentino falecemento do director deportivo do Real Oviedo, o ex-gardameta profesional Arnau, motivou que o club asturiano solicitase á Real Federación Española de Fútbol o aprazamento de todos os seus partidos, incluído o que o filial debía xogar en terras pontevedresas.
Con todo, ao tratarse dunha xornada unificada co descenso no aire, a Federación desestimou a petición, xa que iso tería provocado a paralización de máis encontros na Segunda B afectando a un bo número de clubs.
O choque que si se aprazou é o do primeiro equipo do Oviedo na Segunda División, que debía enfrontarlle ao Mirandés.
Tras coñecer a noticia do falecemento de Arnau, porteiro que na súa etapa como xogador militou en equipos como o FC Bacelona ou o Málaga, a resposta do mundo do fútbol foi unánime mostrando o seu pesar, entre eles tamén un Pontevedra Club de Fútbol que a través das súas redes sociais enviou "todo o noso agarimo á familia e amigos de Francesc Arnau, así como á directiva, corpo técnico e afección do Real Oviedo".
Desde el @PontevedraCFSAD enviamos todo nuestro cariño a la familia y amigos de Francesc Arnau, así como a la directiva, cuerpo técnico y afición del @RealOviedo.
— Pontevedra CF (@PontevedraCFSAD) May 22, 2021
Descanse en paz.
Relacionadas:
-
Sufrimento e salvación con goleada final (3-0) para un Pontevedra que evita caer á Terceira RFEF
Por Diego Espiño & Cristina Saiz |
-
Luisito: "Válenos o empate, pero hai que gañar"
Por Manu Otero |
-
200 entradas gratis para animar a encher Pasarón contra o Oviedo B
Por Manu Otero |
-
Álvaro Cortes: "O máximo que podemos darlle á afección é unha vitoria e o equipo vai ir a matar a por ela"
Por Manu Otero |
-
O Pontevedra convoca á súa afección para evitar o desastre
Por Manu Otero |
-
As contas do Pontevedra para salvarse do descenso á Terceira RFEF nunha última xornada de pesadelo
Por Diego Espiño |
-
O Pontevedra desperdicia dous goles de vantaxe en Villaviciosa e xogarase o seu futuro na última xornada (2-2)
Por Diego Espiño |