Homenaxe a Alejandro Muñiz tras o seu ascenso a Primeira División
Por Redacción
A arbitraxe pontevedresa levaba case tres décadas sen un representante na elite, desde a retirada de Bello Blanco na tempada 93-94, ata que Alejandro Muñiz Ruiz puxo fin a esa etapa cun merecido ascenso a Primeira División.
Todo un fito que ben merecía unha homenaxe de compañeiros e amigos do mundo da arbitraxe. É o que sucedeu a última hora deste xoves na sede pontevedresa da Real Federación Galega de Fútbol.
Nun acto sinxelo e emotivo, Muñiz recibiu o agarimo e recoñecemento da Federación e do Comité Técnico de Árbitros (CTA) de Pontevedra, primeiramente dun presidente da Federación Galega, Rafael Louzán, que destacou "a súa calidade humana e a súa humildade, que lle serviron para chegar todo o máis alto. É un exemplo para todos e estamos moi orgullosos de ti", afirmou o dirixente autonómico.
O protagonista da xornada, pola súa banda, mostrouse agradecido pola homenaxe e quixo "agradecervos a todos os compañeiros árbitros e amigos que me acompañastes neste camiño por axudarme a chegar ata aquí".
Ademais de Louzán no acto estaban presentes, entre outros, o vicepresidente federativo, José Manuel Fernández; o delegado en Pontevedra, Jaime Otero; o directivo do Comité Técnico de Árbitros galego Óscar López; o delegado do CTA de Pontevedra, Ramón Arís; o anterior delegado Manuel Vidal Araújo; e unha ampla representación do colectivo arbitral entre os que se atopaban os colexiados Daniel Pastoriza Iglesias e Alberto Gómez Lameiro, recentemente designados para a Primeira RFEF, e Álvaro Juncal Moreira e Sergio Doval Gil, que ascenderon á Segunda RFEF.
Alejandro Muñiz logrou o ascenso á máxima categoría tras só dous anos en Segunda División, recibindo este ano o premio Vicente Acevedo da RFEF tras ser elixido como mellor colexiado da categoría de prata.
Relacionadas:
-
O exadestrador do Pontevedra Manu Fernández pasa a formar parte do corpo técnico da Selección Española sub 21
Por Redacción |
-
Bello Blanco e Muñiz Ruiz, pasado e presente da arbitraxe pontevedresa en Primeira División
Por Diego Espiño & Mónica Patxot |
-
Alejandro Muñiz, designado para o seu primeiro partido 'grande'
Por Diego Espiño |
-
Alejandro Muñiz repetirá por segunda tempada como árbitro de Primeira División
Por Diego Espiño |
-
O árbitro pontevedrés Álvaro Juncal e o asistente Sergio Doval estarán no play-off de ascenso a Primeira RFEF
Por Diego Espiño |
-
O Comité Galego de Árbitros recoñece o labor de PontevedraViva na celebración do seu centenario
Por Redacción |
-
Os árbitros pontevedreses de categoría nacional, en plena forma
Por Redacción |
-
O pontevedrés Muñiz Ruiz recibe o premio a mellor árbitro de Segunda División da tempada 20/21
Por Redacción |
-
O árbitro pontevedrés Muñiz Ruiz debuta este sábado sobre o verde de Mendizorroza
Por Manu Otero |
-
O árbitro pontevedrés Muñiz Ruiz debuta esta fin de semana en Primeira con dobre sesión de VAR
Por Manu Otero |
-
O árbitro pontevedrés Alejandro Muñiz ascende a Primeira División: "Aún me tiembla todo"
Por Diego Espiño |
-
Dobre representación da arbitraxe pontevedresa na Primeira RFEF
Por Diego Espiño |
-
O pontevedrés Alejandro Muñiz recibe o Trofeo Guruceta ao mellor árbitro da Segunda División
Por Redacción |
-
O pontevedrés Alejandro Muñiz, entre a arbitraxe e o seu traballo de Policía en Madrid en plena alerta sanitaria
Por Diego Espiño |
-
A "ilusión tremenda" do pontevedrés Alejandro Muñiz no seu debut como árbitro de Segunda División
Por Diego Espiño |