O Pontevedra Club de Fútbol presentou este venres ao seu novo corpo técnico ao completo, co novo adestrador Ángel Rodríguez á cabeza.

"Hemos intentado profesionalizar el cuerpo técnico con dos personas más en el staff", recoñeceu o director deportivo Toni Otero, todo iso "intentando contra con gente que lleva sangre granate, capaz, con experiencia y que quiere que el Pontevedra esté arriba", sinalou.

A man dereita de Rodríguez como segundo adestrador será Sergio Moreira, que a pasada campaña dirixía ao filial. Agora o encargado de adestrar ao segundo equipo será Luismi Areda, compaxinándoo co labor de analista para o primeiro equipo. O  staff completarano Álex Otero e Cristóbal Filgueira na preparación física, Moncho Martínez como adestrador de porteiros, Borja Ríos como fisioterapeuta e José Manuel Barragáns que se mantén como médico do club.

A presentación serviu á súa vez para coñecer as primeiras impresións de Ángel Rodríguez desde a súa chegada á cidade, asegurando estar "cada día más contento". O técnico defendeu o estilo que tentará mostrar en Pasarón, cun equipo que "va a intentar siempre llevar la iniciativa, que sea protagonista con balón, que sea un equipo que afronte los partidos con una intensidad muy alta, no quiero poner un listón pero les voy a hacer ver a los chicos que el ADN de este equipo tiene que ser salir a ganar en cualquier campo y ser protagonista y para eso hay que trabajar mucho y fuerte".

En canto ao plantel, con dous postos sinalados polo director deportivo a reforzar aínda como son o lateral esquerdo e o mediocentro defensivo, o adestrador granate pediu tempo para "conocer a los chicos que están abajo, que van a hacer la pretemporada con nosotros" antes de pechar ningún reforzo.

"Seguramente nos van a ofrecer muchas cosas. Les voy a dar la oportunidad de mostrarse en varios partidos para conocerlos y para que cada uno exprese el fútbol que tienen dentro", sinalou o técnico leonés sobre os canteiráns.

O Pontevedra ten previsto iniciar a súa pretempada o vindeiro luns, día 26 de xullo.