O Cisne quenta motores cos seus dous primeiros partidos de pretemporada
Por Redacción
O Cisne xa prepara a nova tempada. Sen o adestrador Jabato e os tres xuvenís concentrados coa selección, Pablo González, Carlos Álvarez e Dani Virulegio; o equipo branco comeza os adestramentos ás ordes do segundo adestrador, Quiños.
Á espera de poder traballar con todo o plantel ao completo, desde a entidade xa teñen programados os primeiros partidos de pretemporada que se disputarán de forma consecutiva. O venres, ás 21.15 horas, visitarán ao Balonmán Chapela e o sábado, ás 18 horas desprazaranse a Tui para medirse ao Augas Santas.
Serán os primeiros partidos preparatorios de fronte ao comezo de competición previsto para o 26 de setembro, no que recibirán ao Atlético Novás. Antes desa data, a directiva cisneísta espera pechar novas datas para encontros amigables.